Gweithiwn ar y cyd ag awdurdodau lleol Cymru i gynorthwyo
grwpiau o wirfoddolwyr ledled Cymru i ddod â'r celfyddydau i'w
cymunedau. Bob blwyddyn trefnir bron i 600 sioe drwy'r cynllun gan
bron i 350 o wahanol grwpiau cymunedol.
Gall grwpiau cymunedol ('hyrwyddwyr') ddewis o ystod eang o
berfformwyr proffesiynol a'u cynnal mewn neuaddau pentref neu
gymunedol neu leoedd anhraddodiadol ledled Cymru.
Mae'n hawdd i'w ddefnyddio a thrwyddo nid oes perygl ariannol
i'r grŵp.
Esbonia'r fideo isod y camau neu edrychwch ar ein harweiniad syml:
Gellwch hefyd weld y ffilm fer hon i ddysgu pwysigrwydd y
cynllun ac syt y byddai rhoi perfformiad ymlaen o fydd i'r gymuned
leol.
Am gymorth gyda marchnata a hyrwyddo, cyfieithiadau i'r Gymraeg
a logos defnyddiol, ewch i'n hadran Cymorth a Chyngor.
Ceisiwn gynnig sioeau gwych i bawb. Mae perfformiadau ym maes
theatr, syrcas, pypedau, cerddoriaeth, dawns ac adrodd straeon.
Nid yw digwyddiadau llenyddol yn gymwys ond gellid eu hariannu
drwy www.llenyddiaethcymru.org.
Gallai côr neu gymdeithas gerddorol gysylltu â Tŷ
Cerdd
Trefnir sioeau ledled Cymru i wahanol gymunedau a grwpiau.
Cynigiwn sioeau i blant, teuluoedd, plant yn eu harddegau neu bobl
hŷn, grwpiau cymunedol neu ddiwylliannol, yn y Gymraeg neu'r
Saesneg, mewn ardaloedd difreintiedig, cymunedau gwledig a
dinasoedd.
