Hawdd bod yn ddwyieithog 

Mae cynnal digwyddiad dwyieithog yn gyfle gwych i ddangos eich bod yn croesawu a chynnwys pawb. Mae hefyd yn gyfle ichi arddangos y Gymraeg i gynulleidfa ehangach. Mae dros 25% o ddigwyddiadau Noson Allan yn berfformiadau Cymraeg neu ddwyieithog. Chwiliwch am sioeau Cymraeg ar ein gwefan.

​Mae llawer o wybodaeth am yr ymarfer gorau a bod yn ddwyieithog ar wefan Cyngor Celfyddydau Cymru

Cyfarchwch westeion yn Gymraeg hyd yn oed os yw’ch sioe yn Saesneg neu ddwyieithog. 'Noswaith dda / Prynhawn da' (Good evening / Good afternoon). Peidiwch â phoeni os na allwch barhau â'r sgwrs yn Gymraeg. Eglurwch nad ydych yn siarad yr iaith ond eich bod yn gefnogol i'r Gymraeg fel sefydliad.

Gwnewch hi’n hawdd i bobl adnabod siaradwyr Cymraeg: Archebwch fathodyn Iaith Gwaith i staff rheng flaen a gwirfoddolwyr ei wisgo drwy e-bostio: post@cyg-wlc.cymru. Mae’r bathodyn yn dangos pwy yn eich tîm sy’n gallu cyfathrebu yn Gymraeg ac mae’n ei gwneud hi’n hawdd i bobl ddefnyddio’r iaith gyda chi os ydyn nhw’n dymuno. 

Rhowch y siaradwyr Cymraeg yn eich tîm lle byddant yn dod i gysylltiad â’r cyhoedd. Er enghraifft, wrth y fynedfa neu’r ddesg groeso. Isod mae mwy o syniadau ar sut i recriwtio gwirfoddolwyr dwyieithog i'ch digwyddiad. Gwnewch yn glir bod croeso i'r Gymraeg yn eich digwyddiad. Gwnewch yn siŵr bod y Gymraeg yn cael ei defnyddio yn ystod eich digwyddiad. 

Mae rhagor o syniadau yma.

​Geiriau defnyddiol ar gyfer cyhoeddusrwydd / posteri

English	Welsh
Box Office	Y Swyddfa Docynnau
In partnership with	Mewn partneriaeth â
Price	Pris
Tickets	Tocynnau
Concessions	Consesiynau
OAP	Pensiynwyr
Adults	Oedolion
Children	Plant
Show Times	Amserau'r sioe
Contact	Cysylltwch â
Tickets in advance from	Tocynnau ymlaen llaw o