Enw'r Perfformiwr: Theatr Cymru
Enw'r Sioe: Biwti a Brogs
Disgrifiad y Sioe
Tre Melys. Nawr. Brasgamwch yn gyffro i gyd i fyd arallfydol, hudolus gyda fersiwn newydd Gwawr Loader o stori’r Tywysog Broga gan y Brodyr Grimm. Dyma’r cyflwyniad perffaith i fyd theatr fyw i blant bach 3-6 oed yn llawn hwyl a hyd a lledrith a cherddoriaeth fyw gyda moeswers bwysig. Ar noswyl ei phenblwydd, mae Brenin a Biwti yn derbyn anrheg sbesial gan ei thad, y Brenin, yn ei pharti, sef pelen aur. Ond nid yw’n hapus. Mae’n ffwndrus ac yn llawn gofid wrth chwarae gyda’r bel ar ei phen ei hun ger y llyn. Mae’n cwrdd a Brogs, y broga, am y tro cyntaf a dyw hi ddim eisiau chwarae gyda Brogs. Ond, pan mae’n gadael i'r bel gwympo ar ddamwain yn y llyn, mae Brogs yn dod i'r adwy, ynei dysgu i nofio a chwrdd ag anifeiliaid y mor. Mae nhw’n ffeindio’r bel dan y dwr ac yn dod yn ffrindiau mawr. Wrth ffarwelio, mae Brogs eisiau mynd i gartref Biwti yn y Plas ond mae Biwti yn ofn ymateb ei thad a ddim yn ei wahodd. Trannoeth, mae Brogs yn galw er mwyn chwarae eto ac, er yn ofidius i ddechrau, mae Biwti yn mwynhau drwy chwarae gwisgo lan mewn dillad gwahanol i'w rhai brenhinol arferol anghyffyrddus. Wrth chwarae mae’n colli ei choron drom dro hyn ac mae ei hysbryd yn ysgafnhau. Wrth fynd yn fwy hapus mae’n troi’n froga. Mae Biwti yn panico ond wrth weld ei bod yn medru neidio yn uchel a bownsio’n gyflym a chwipio ei thafod a nofio yn rhydd mae’n teimlo’n hapusach nag erioed, ond yn ofni ymaten ei thad. Mae’n dychwelyd adref i'w gwrdd, ac mae ef wrth ei fodd am ei bod mor hapus a rhydd. Y foeswers yw bod angen bod yn driw i'ch hun er mwyn bod yn hapus ac ni all holl gyfoeth y byd brynu’r hapusrwydd hwnnw.
