Cyngerdd Penblwydd 2025 Anniversary Concert | llanbedr beer festival

Enw'r sioe: Cyngerdd Penblwydd 2025 Anniversary Concert | llanbedr beer festival

Gwawr Edwards, Treflyn Jones, David Bisseker, Efan Barry, Bois Y Fro Mae Gwawr Edwards yn gantores adnabyddus iawn ar lwyfannau Prydain a thu hwnt. Fe ennillodd ysgoloriaeth I astudio’r llais yng ngholeg Brenhinol Cerdd a Drama Cymru, cyn ennill gradd Meistr dosbarth cyntaf o’r Guildhall yn Llundain. Mae wedi perfformio ar lwyfannau mwyaf Prydain, gan gynnwys Neuadd Albert, Royal Festival Hall, Cadogan Hall, Brimingham Symphony Hall, Bridgewater Hall Manceinion, a Chanolfan y Mileniwm Caerdydd fel unawdydd mewn cyngherddau ac Oratorio i gyfeiliant cerddorfeydd y BBC Concert Orchestra, Liverpool Philharmonic Orchestra a Cherddorfa Genedlaethol Cymru i enwi rhai. Ar lwyfannau Opera, mae Gwawr wedi perfformio rhan Zerlina allan o Don Giovanni, Mozart, Paquette allan o Candide, Bernstein, Euridice allan o La descente d’Orphée aux Enfers, Charpentier, Donna allan o Rinaldo, Handel, Melpomene allan o Il Parnaso confuso, Gluck, Virtu allan o L’incoronazione di Poppea, Monteverdi, a Rossina allan o Il Barbiere di Siviglia gan Rossini, i gwmnioedd Opera Glyndebourne, Opera de Lorraine, Bampton ac hefyd i Opera Cymru. Mae Gwawr wedi teithio’r byd yn perfformio yn China, Ewrop, De America a Gogledd America, ac mae hefyd yn gyflwynydd achlysurol ar S4C a BBC Radio Cymru. Mae ganddi ddwy CD allan or enw ‘Gwawr Edwards’ a ‘Alleluia’ ac un Llyfr a CD I blant o’r enw ‘Mali’.